Política de privacidade

Última actualización: 24 de outubro de 2026.

Nesta páxina explicámosche que datos persoais recollemos, para que os usamos e que dereitos tes, segundo o Regulamento (UE) 2016/679 (RXPD) e a Lei orgánica 3/2018 (LOPDGDD).

1. Responsable do tratamento

  • Responsable: Casa do Retrato, S.L. (A Casa do Retrato), CIF B15965007
  • Enderezo: R/ Bispo José Diéguez Reboredo, 5, 15822 Fonte Díaz, Touro (A Coruña)
  • Teléfonos: 981 517 373 e 619 875 610
  • Correo electrónico: elenaacdr@gmail.com

2. Que datos tratamos

  • Formulario de contacto: nome, correo electrónico, teléfono (se o indicas), asunto e mensaxe.
  • Se nos escribes por correo electrónico ou WhatsApp, ou nos chamas: os datos que nos deas nesa conversa.
  • Se nos contratas unha reportaxe: os datos necesarios para o encargo e a factura (nome, DNI/NIF, enderezo, teléfono, correo, data e lugar do evento) e as fotografías e vídeos que fagamos.

Non pidas nin envíes polo formulario datos especialmente protexidos (saúde, ideoloxía etc.). Se nos dás datos doutras persoas, asegúrate de que están de acordo.

3. Para que os usamos e con que base legal

  • Responder ás túas consultas e prepararche un orzamento. Base: o teu consentimento ao enviarnos a mensaxe e a aplicación, por petición túa, de medidas precontractuais (art. 6.1.a e 6.1.b RXPD).
  • Facer a reportaxe contratada e entregarcha. Base: o contrato (art. 6.1.b RXPD).
  • Facturación e obrigas contables e fiscais. Base: obriga legal (art. 6.1.c RXPD).
  • Protexer o formulario fronte a programas automáticos (spam) con Google reCAPTCHA. Base: o teu consentimento, que dás ao aceptar as cookies (art. 6.1.a RXPD). Sen el non se pode usar o formulario, pero podes contactarnos por teléfono, WhatsApp ou correo electrónico.
  • Publicar fotos ou vídeos da túa reportaxe nesta web ou nas nosas redes sociais como mostra do noso traballo. Só se nos dás o teu consentimento expreso, que podes retirar cando queiras (art. 6.1.a RXPD). No caso de menores (bautizos, comuñóns…), o consentimento dano os seus pais, nais ou titores.

Non enviamos publicidade nin boletíns, non tomamos decisións automatizadas nin facemos perfís cos teus datos.

4. Canto tempo os gardamos

  • Consultas que non acaban en encargo: o tempo necesario para responderche e, como máximo, un ano.
  • Clientes: mentres dure o encargo e, despois, durante os prazos que obriga a lei (ata seis anos para a documentación contable e as facturas).
  • Fotografías e vídeos: gardamos unha copia da reportaxe para poder darche copias ou ampliacións máis adiante, agás que nos pidas que a borremos. As imaxes publicadas mantéñense ata que retires o teu consentimento.

5. A quen se comunican

Non vendemos nin cedemos os teus datos a terceiros, agás obriga legal (por exemplo, á Axencia Tributaria). Para funcionar usamos algúns provedores que tratan datos por conta nosa e coas garantías que esixe o RXPD:

  • Provedor de aloxamento web, que garda a web e envía as mensaxes do formulario.
  • Google (Google Ireland Ltd. e Google LLC), que nos dá o servizo de correo electrónico e o reCAPTCHA do formulario de contacto. Google pode tratar datos nos Estados Unidos. Esa transferencia está amparada polo Marco de privacidade de datos UE-EUA, no que Google LLC está certificada, e polas cláusulas contractuais tipo da Comisión Europea.

Se decides escribirnos por WhatsApp ou seguirnos en redes sociais (Facebook, X, Instagram), esas plataformas tratan os teus datos segundo as súas propias políticas de privacidade.

6. Os teus dereitos

Podes pedirnos en calquera momento acceder aos teus datos, rectificalos ou suprimilos, opoñerte ao seu tratamento, limitalo ou pedir a portabilidade dos teus datos. Tamén podes retirar o teu consentimento (por exemplo, para que deixemos de publicar unha foto) sen que iso afecte ao feito antes.

Para exercer os teus dereitos, escríbenos a elenaacdr@gmail.com ou por correo postal ao enderezo de arriba. Indica que dereito queres exercer. Se temos dúbidas sobre a túa identidade, pedirémosche un documento que a acredite. Responderémosche no prazo dun mes.

Se cres que non atendemos ben a túa solicitude, podes presentar unha reclamación ante a Axencia Española de Protección de Datos (www.aepd.es).

7. Seguridade

Aplicamos medidas técnicas e organizativas para protexer os teus datos fronte a perdas ou accesos non autorizados. Por exemplo, a web funciona só con conexión cifrada (https).

8. Cambios nesta política

Podemos actualizar esta política se cambia a lei ou a nosa forma de traballar. A data da última actualización aparece arriba. Máis información no Aviso legal e na Política de cookies.